Pơhiăp amăng mông ngă lơhet hơdor glăi, Khua dêh čar Phạm Minh Chính hmâo ol kơdol pran jua lok glăi tơlơi hơdip hăng bruă ngă hơkrŭ mơng rơgom ơi Võ Văn Kiệt, Khua dêh čar pơtŏng sit tơlơi hơdip hăng bruă ngă hơkrŭ mơng rơgom ơi Võ Văn Kiệt lĕ pơdah rơđah mơng ling tơhan hơkrŭ ha pran jua, khua git gai rơgơi, pioh abih pran jua pô yua kơ lŏn ia, yua kơ mơnuih ƀôn sang.

Hăng kơnuih mă bruă tơpă, djơ̆, pơblang nao hrom hăng bôh nik, pơhiăp nao hrom hăng bruă mă, ñu djru yôm phăn biă kơ bruă pơsur hơdôm gưl mơnuih ƀôn sang ngă tui klă jơlan gah pơplih phrâo yua Ping gah pok phun hăng git gai. Khua dêh čar ta lăi rơđah hlâo kơ ba tơbiă sa tơlơi pơsit yôm phăn hơpă, biă ñu hơdôm tơlơi pơsit hmâo bơdjơ̆ nao truh pơđĭ kyar bơwih ƀong – mơnuih mơnam lŏn ia hăng tơlơi hơdip mơnuih ƀôn sang, ñu leng kơ hyu hơduah tơlơi gum pơhiăp mơng ƀing juăt bruă hăng drơi pô ñu pioh lu pran kơsem min, hmư̆ tui tơlơi gum pơhiăp mơng mơnuih ƀôn sang./.