Ră ruai hăng lăi pơthâo hăng hơdôm rơnuk nai pơtô hăng čơđai Sang hră đại học lŏn ia ƀôn prong Hồ Chí Minh Khua dêh čar Phạm Minh Chính mơ-ĭt truh čơđai gưl dlông Sang hră đại học lŏn ia ƀôn prong Hồ Chí Minh tơlơi tơña bla, hơdôm pran jua jê̆ giăm hăng tơlơi hơ-ưč hmưi klă hiam hloh. Khua dêh čar čih djă pioh, pơsit yôm, bơni hơdôm tơlơi gir run hăng bôh tơhnal klă mơ̆ hơdôm rơnuk git gai, khul mơnuih apăn bruă, ƀing kơsem min, nai pơtô, mơnuih mă bruă, čơđai gưl dlông Sang hră đại học lŏn ia ƀôn prong Hồ Chí Minh dưi ngă amăng 28 thun pơdŏng hăng pơđĭ kyar.

Khua dêh čar rơkâo sang hră pơtrut kơtang ruah mă hăng pơtô pơhrăm, pơtô brơi dong čơđai rơgơi, pơtrut kơsem min bôh thâo phrâo phun; Đing nao ngă pơhưč, ruah yua hăng pơlar mơnuih kơsem min bôh thâo phrâo rơgơi, ƀing kơsem min ba jơlan hlâo; Pơplih mrô hăng bôh thâo ia rơgơi pơčeh phrâo gah ƀut ba jơlan hlâo kual ASIA; pơđĭ kyar Anom pơtô pơhrăm pơplih phrâo pơčeh phrâo lŏn ia./.