4 akŏ bruă anai tuh pơ alin abih tih rơbêh 15 rơbâo klai, hơmâo mă yua man pơkra ha wŏt amăng lơ 24/12 ƀơi 4 anih: Plơi prong Điện Biên, Tuyên Quang, Tiền Giang hăng Vĩnh Long. Anai lĕ hơdôm ring bruă yôm phun hơmâo pok pơhai man pơkra amăng thun 2023 hăng ngă tui djơ̆ hrơi blan pơkă. Sit biă ñu 4 akŏ bruă anai pok pơhai truh kih hơmâo ngă tui tơlơi črâo trun kah pha gưl brơi ƀon lan, pơtrut tuh pơ alin mơng rơngiao ngăn drăp kơnuk kơna.

Đĭ pơhiăp amăng mông ngă lơphet, Khua dêh čar Phạm Minh Chính lăng yôm, tŭ yap hăng pơpŭ hơdôm tơlơi gir run, pran gơgrong mơng Ding jum wai lăng jơlan glông, hơdôm boh tơring čar, plơi prong hơmâo jao man pơkra ring bruă anai, lăi pơtong, mơng boh than dưi ngă anai hăng hơdôm tơlơi yôm ba glăi mơng hơdôm ring bruă anai, jai hơkrŭ dong tơlơi găn rơgao yôm phăn amăng ngă tui hơnong pơkă pơđĭ kyar bơwih ƀong huă-mơnuih mơnam. Khua dêh čar pơtăn, rĭm čô mơnuih gum hrŏm amăng akŏ bruă anai kiăng gơgrong amăng bruă mă, hrŏm hăng gơnong bruă hăng răng kơđiăng hloh; pơplih tơlơi pơmĭn, bruă mă kiăng pơgiong bruă jao pơgôp pok pơhai man pơkra djơ̆ hrơi blan pơkă.