Khua dêh čar Phạm Minh Chính tơña bla kơ tơlơi truh lŏn pơpư̆ ƀơi Japan
Thứ tư, 15:58, 03/01/2024
VOV/Siu H'Mai Pơblang
VOV/Siu H'Mai Pơblang
VOV4.Jarai - Hmư̆ hing hơmâo tơlơi truh lŏn pơpư̆ čư̆ mơgơi ƀơi tơring čar Ishikawa hăng kual jê̆ giăm Tong krah Japan, ngă sat răm kơ ană mơnuih hăng dram gơnam, lơ 2/1/2024, Khua dêh čar Phạm Minh Chính hơmâo tơlơi tơña bla hăng Khua dêh čar Japan Kishida Fumio.
Mrô mơnuih djai hăng ruă yua tơlơi truh lŏn pơpư̆ jai lu tui. Hrŏm hăng tơlơi truh lŏn pơpư̆ kơtang 7,6 đô̆ richter; 155 wơ̆t pơpư̆ tơdơi kơ anun ngă răm rai plơi prong, rung răng, ngă apui ƀong ƀơi plơi prong Wajima, tơring car Ishikawa. Pơhiăp ƀơi mông jơnum mă tơlơi pơhing ječ ameč hrơi anun, Khua dêh čar Japan Kishida Fumio pơsit, tơlơi răm rai yua lŏn pơpŭ ba truh prong biă mă, kơnuk kơna dêh čar anai amra gir djru ba mơnuih mơnam ƀơi djŏp anih, iâu pơthưr abih bang tơhan, mơnuih gum djru, laih dong pơkiăo nao ƀing khua mơ̆ng ding jum, anom bruă bơdjơ̆ nao nao pơ anih hơmâo tơlơi truh djru pơgiăng gơnam hăng djru bruă pơkŏn dong.
Viết bình luận