Ƀơi mông tŭ jum, Khua dêh čar đăo kơnang hăng tơlơi apăn bruă sui thun amăng bruă pơtom hiăp, Khua anih jưh amra hơmâo thun blan ngă bruă truh kih ƀơi Việt Nam; pơsit Việt Nam lêng kơ lăng yôm laih anun čang rơmang pơtrut tui, ngă dlăm hloh tơlơi rô nao rai ngă gŏp yôm kơplah wah Việt Nam hăng Italy; gah dêh čar Việt Nam amra djru ngă gal brơi hloh kiăng khua anih jưh dưi ngă truh kih bruă hơmâo jao.

Khua dêh čar hăng Khua anih jưh hok mơ-ak ƀơi anăp tơlơi đĭ kyar dlăm mơ̆ng tơlơi rô nao rai ngă gŏp yôm Việt Nam - Italy amăng abih bang bruă. Laih dong, ngă hrŏm kơjăp ƀơi hơdôm mông jơnum lu bơnah kah hăng ƀơi Sang gum hơbit djŏp dêh čar, ASEAN-EU, Việt Nam jing dêh čar pơtrut đĭ tơlơi ngă hrŏm bơwih ƀong, sĭ mơdrô kơplah wah Italy hăng EU wơ̆t hăng ASEAN, Italy jing dêh čar pơtruh brơi tơlơi rô nao rai Việt Nam - EU.