Ƀơi mông bưp, Khua dêh čar Phạm Minh Chính hơmâo lăi pơthâo hăng Khua mir sir Katalin Novak kơ hơdôm boh than yôm mơ̆ dua bơnah hơmâo ngă amăng mông jơnum bơkơtuai kơplah wah dua čô Khua dêh čar, hơmâo jơlan đĭ kyar prong pơtrut tui tơlolwi rô nao rai ngă gŏp hăng ngă hrŏm abih bang kơplah wah Việt Nam hăng Hungary amăng djŏp mơta bruă. Gah bruă kơđi čar - pơtom hiăp, Khua dêh čar Phạm Minh Chính kiăng dua bơnah pơbưp khua mua, bơkơtuai lu hloh, biă ñu gưl prong, ăt kah hăng kơplah wah Ding jum, anom bruă, tơring čar đah mơ̆ng đăo kơnang nao rai hloh gah bruă kơđi čar laih anun thâo hluh nao rai tơdruă, ngă phun akha pơtrut tui hăng pok prong tơlơi ngă hrŏm dua bơnah amăng djŏp mơta bruă.

Kơ tơlơi ngă hrŏm ƀơi mông jơnum jar kmar, Khua dêh čar Phạm Minh Chính hăng Khua mir sir Katalin Novak tŭ ư pơphun na nao bruă jơnum, ngă hrŏm kjăp, dong yua nao rai amăng hơdôm anom bruă jar kmar, biă ñu lĕ Sang gum hơbit djŏp dêh čar, ASEM, ASEAN-EU đah mơ̆ng djru kơ tơlơi rơngai, rơnuk rơnua, hơđong, ngă hrŏm hăng pơđĭ kyar amăng kual wơ̆t hăng ƀơi jar kmar.