Kiăng dưi ngă tŭ yua bruă mă amăng thun hrăm 2024-2025 hăng anăp kiăng ngă : “Mă čơđai sang hră, čơđai sang hră gưl prong jing anŏ phun, Nai neh pơtô hrăm hră jing pran kơtang, Sang hră ngă anŏ kơnang, Sang anŏ jing anih kơđăp, Mơnuih mơnam lĕ atur”, Khua dêh čar pơtrun hiăp kơ Ding jum Pơtô hăng Pơjuăt sem glăi, jŭ yap abih pơhrua nao, ngă giong tơlơi phiăn pơkă, jơlan hơdră pơtrun či mă bruă brơi djop gưl sang bruă hơmâo tơlơi dưi ngă hră pơtrun djơ̆ hăng tơlơi phiăn dêh čar, kiăng pơđĭ tui boh tŭ yua kơ bruă pơtô, pơhrăm, boh nik ñu pơtô kơ ƀing nai ƀơi djop gưl khom tŭ yua hloh pioh pơtô, pơhrăm, wơ̆t sang hră kơnuk kơna, sang hră gah rơngiao kơnuk kơna hai.

Kơtưn pok pơhai tŭ yua, kơtang hloh pơblih yua mrô amăng bruă wai lăng mơ̆ng kơnuk kơna gah bruă pơtô hrăm amăng tơlơi dưi, gơgrong ba, kiăng ngă djơ̆ tơlơi kiăng, ba glăi boh tŭ yua sit nik kơ bruă pơtô hăng pơhrăm.