Mơmot tom brơi (6/11), ƀơi Hà Nội, Khua dêh čar ơi Phạm Minh Chính nao pơhmư̆ mông ngă Lơphet anăp nao Hrơi pioh Tơlơi phiăn dêh čar Việt Nam (9/11) thun 2022. Pơhiăp amăng mông ngă lơphet Khua dêh čar ta ơi Phạm Minh Chính čang rơmang, rim ƀing ta hăng hơdôm bruă mă rơđah, sit nik, gum tơngan hrom ngă lar hyu pran jua pơpŭ tơlơi phiăn, djru ngă brơi Phiah phiăn hăng tơlơi phiăn sit nik mut dơlăm amăng tơlơi pơmin hăng bruă mă mơng rim mơnuih ƀôn sang, anom bơwih ƀong, mơng ƀirô, khul grŭp hăng mơng abih bang mơnuih mơnam.

Pran jua anun khom jing djơ̆ sit nik, ngă tui hăng bôh thâo amăng mơnuih mơnam. Bruă čih pơkra - lăi pơthâo - ngă tui - lăng tui tơlơi phiăn dưi ngă tui klă amra pơplih hơdôm nua yôm bôh thâo anun jing phun than yôm phăn mơng lŏn ia. Pơ̆ anăp anai, Khua dêh čar rơkâo, lăi pơthâo abih dong, pơđĭ tui tơlơi pơmin, ngă tui ba glăi bôh tơhnal Tơlơi pơtrun pơsit Jơnum Khua pơ ala đơ đam dêh čar tal 13 mơng Ping gah; tañ pok pơhai Tơlơi pơtrun pơsit Ping gah lok 6 tal 13 kơ “Pơdŏng hăng ngă giong dong kơnuk kơna djơ̆ phiăn djop mơnuih dưm kơnar dêh čar Việt Nam amăng rơwang phrâo” tơdơi kơ dưi pơsit brơi tơlơi dưi mă yua./.