Khua dêh čar hơmâo lăi nao tong ten, hăng tơlơi dưi amăng bruă pơđĭ kyar man pơkra anih anom, jơlan glông hăng ngă tui bruă pơkrem, pơgăn yua khưi khai.

Khua dêh čar rơkâo tŏ tui thâo hluh rơđah hăng ngă tui bruă pơkrem, pơgăn yua khưi khai pơlir hăng bruă pơgăn hưp ƀong kông ngăn, bruă ngă soh tui tơlơi git gai mơng Khua git gai Ping gah dêh čar ơi Nguyễn Phú Trọng; rơkâo djop gưl, gơnong bruă, gong gai, anih anom, mơnuih ƀon sang hăng anom bơwih ƀong sĭ mơdrô đơ đam dêh čar đing nao bruă pơplông ngă tui klă sa, dua bruă jao phun kiăng pơtrut bruă pơplông amăng man pơdong, pơđĭ kyar anih anom, jơlan glông tañ hloh, hơđong kjăp; rơkâo djop ding jum, gơnong bruă, gong gai ƀon lan ngă tui pran gơgrong  kơtang hloh, thâo pơmĭn khin ngă, glăm ba djop bruă jao yua kơ tơlơi dưi hrŏm.