Tơlơi pơtrun pơsit 68 ba tơbiă tơhnal pơkă truh thun 2030 hăng tơhnal lăng truh thun 2045 ba bruă bơwih ƀong mơnuih ƀôn sang pơđĭ kyar tañ, kơtang, kơjăp phik; gơgrong hlâo gum hrŏm pơlir bruă bơwih ƀong, sĭ blơi gơnam đơ đam rŏng lŏn tơnah; hmâo pran bơkơtưn ƀơi kual hăng jar mơmar. Hrưn đĭ truh thun 2045 hmâo ƀiă biă mă ñu 3 klăk bôh anom bơwih ƀong mă bruă, djru rơbêh kơ 60% GDP.

Pơhiăp amăng mông jơnum, Khua dêh čar ta ơi Phạm Minh Chính lăi nao 8 mơta bruă jao, jơlan pơsir pơdah pran jua pơplih phrâo, ngă pơplih, pơplih pơkra kơtang. Amăng anun, lăi rơđah bruă pơplih phrâo tơlơi pơmin, tŭ ư hrŏm thâo hăng ngă, rŭ đĭ tơlơi čang rơmang djuai ania, pơjing pran pơđĭ kyar bơwih ƀong mơnuih ƀôn sang. Khua dêh čar pơtŏng sit anai lĕ tơlơi kiăng pơsir blung a, hmâo bôh tŭ yua phara ha jăn yôm phăn, khom hmâo tơlơi tŭ ư mơ̆ng abih bang glông bruă kơđi čar, anom bơwih ƀong hăng mơnuih ƀôn sang gah bruă mă, anih gơgrong mơ̆ng bruă bơwih ƀong mơnuih ƀôn sang amăng bruă bơwih ƀong./.