Ƀơi mông jơnum, hơdôm tơlơi pơgôp hiăp kiăng bơkơtưn apah bơni pơƀut ngă truh kih bruă đĭ kyar bơwih ƀong - mơnuih mơnam rim thun hăng Akŏ bruă 5 thun (2026-2030) tui hăng Tơlơi pơtrun Jơnum ruah khua ping gah đơ đam dêh čar tal 14, jơlan hơdră ngă bruă mơ̆ng Khua mua pơ ala mơnuih ƀôn sang, Kơnuk kơna; Bơkơtưn ngă tŭ yua, ngă rơgao kơ hơnong pơkă hơdôm ring bruă đĭ kyar anih anom jơlan nao rai, kual bơwih ƀong, bơwih ƀong mơ̆ng ia rơsĭ...Tui anun, hơdôm rơnoh bơkơtưn truh thun 2030 hơmâo: Rơnoh đĭ kyar gơnam pơhrui glăi amăng dêh čar rơwang thun 2026-2030 mơ̆ng 10% truh pơ ngŏ; GDP yap tui akŏ mơnuih truh thun 2030 hơmâo năng ai 8.500 USD.

Klah čun glăi mông jơnum, Khua dêh čar ơi Lê Minh Hưng tŭ ư hăng hơdôm tơlơi pơgôp hiăp laih anun lăi bruă bơkơtưn apah bơni khŏm tui hăng tơlơi git gai črâo bruă, pran jua ngă bruă, tơlơi gơñăm kiăng hơmâo mơ̆ng Tơlơi pơtrun Ping gah tal 14, anun lĕ đĭ kyar 2 mrô, samơ̆ khŏm hơđong kjăp, nao hrŏm hăng pơđĭ tui tơlơi hơdip mơnuih ƀôn sang; bruă apah bơni khŏm djơ̆, hmao kru. Khua dêh čar kiăng abih bang anom bruă, djŏp gưl khŏm gir, ngă giong truh kih bruă mă; lăng bruă ngă tŭ yua či pơkă brơi anŏ dưi hă ƀô̆./.