Yang hrơi dong lơ 22/12, ƀơi sang bruă Kơnuk kơna, Khua dêh čar brơi Hră jao bruă kơ ơi Lê Mạnh Hùng, Khua khul ding kơna Grup pơkra Ia jâo Việt Nam (Petrovietnam) glăi mă bruă ƀơi Ding jum pơkra gơnam sĭ mơdrô hăng ngă  Khua ding jum. Hlâo kơ anun, ơi Lê Mạnh Hùng mă bruă ƀơi Sang bruă Kơnuk kơna, hăng ngă khua lu bruă yơh amăng anom bruă pơkra ia jrao.

Hăng bruă ngă Khua khul ding kơna Petrovietnam, ñu hrŏm hăng ƀing khua ngă hơđong anom bruă, pơsir hĭ lu bruă dŏ gun, ba Grup pơkra ia jrao đĭ kyar kơtang, mut tom dlăm hloh amăng anŏ yom ƀơi rŏng lŏn tơnah. Khua dêh čar pơsit, bruă jao ngă Khua ding jum pơƀuh tơlơi đăo kơnang, tơlơi čang rơmang prong mơ̆ng Ping gah, Kơnuk kơna hăng ơi Lê Mạnh Hùng, laih dong jing tơlơi kiăng pơplih phrâo, đĭ kyar kơtang hloh mơ̆ng anom bruă pơkra gơnam sĭ mơdrô, gum pơgôp kơ lŏn ia ta amăng rơnuk phrâo.