Mơguah lơ 10/11, ƀơi Đà Nẵng, Khul apăn bruă Ping gah ling tơhan Quân khu 5 pơphun jơnum lăi pơthâo, jao tơlơi pơsit kơ bruă ruah mơnuih apăn bruă. Jơnum lăi pơthâo hăng jao tơlơi pơsit mơng Khua dêh čar kơ bruă ruah pơhrui glăi thiếu tướng Cao Phi Hùng ngă kơ-iăng khua git gai ling tơhan Quân Khu 5.

Amăng mông jơnum, pơ ala brơi Ping gah ling tơhan dêh čar, Trung tướng Thái Đại Ngọc-Ding kơna Ping gah dêh čar, Ding kơna Ping gah ling tơhan dêh čar, Kơ-iăng khua git gai Ping gah, anom bruă git gai tơhan Quân khu 5 jao tơlơi pơsit hăng pơpŭ Thiếu tướng Cao Phi Hùng. Thiếu tướng Cao Phi Hùng thun anai 58 thun, dŏ ƀơi să Hoài Thanh Tây, plơi prong Hoài Nhơn, tơring čar Bình Định. Thun 2018, ñu hơmâo khua dêh čar ruah ngă kơ-iăng khua anom bruă git gai ling tơhan Quân khu 5 lơm glăk ngă kơ-iăng khua anom pơtô bruă Quân khu 5, laih anun hơmâo đĭ grač Thiếu tướng.