Amăng mông bưp, neh wa Việt Nam ƀơi Qatar pơdah pran jua mơ-ak ƀơi anăp tơlơi pơđĭ kyar tañ mơ̆ng lŏn ia, tơlơi lăng ba mơ̆ng khua git gai Ping gah, Kơnuk kơna hăng mơnuih Việt Nam pơ̆ dêh čar tač rơngiao lăi hrŏm hăng ƀơi Qatar lăi ha jăn.

Khua dêh čar ta ơi Phạm Minh Chính brơi thâo, mơnuih Việt Nam pơ̆ dêh čar tač rơngiao hmâo năng ai ñu 6 klăk čô mơnuih, ƀơi năng ai ñu 130 bôh dêh čar. Khua dêh čar ta čang rơmang neh wa gum hrŏm hơbit dong, ngă tui tơlơi phiăn ƀơi anih pô dô̆; triăng mă bruă, hrăm hră; djă pioh na nao, ngă tui hơdôm nua yôm bôh thâo đưm djuai ania. Khua dêh čar ta pơsit Ping gah, Kơnuk kơna pơgang ba na nao tơlơi dưi, bôh tŭ yua lăp djơ̆ mơ̆ng neh wa pơ̆ dêh čar tač rơngiao, rơkâo Khua anih jưh pơ ala lăng ba, kơtưn tơlơi pơkĕ hrŏm, pioh Khua anih jưh hăng khul mơnuih Việt Nam jing hơdôm anih kơnang lơm neh wa bưp tơnap tap./.