Bruă bơkơtuai amăng mông jơnum, khua mua hơdôm ding jum gơnong bruă hmâo pơblang kơ tơlơi amăng lŏn ia hăng jar kơmar, hơdôm tơlơi hrăm găn rơgao hăng bruă jao pơsir pioh pơtlaih tơlơi tơnap, tơlơi gun kơ anom bơwih ƀong, mơnuih ƀôn sang, pơtrut bruă bơwih ƀong huă ngă đang hmua, sĭ mơdrô, pơjing bruă mă, bơwih ƀong kơ mơnuih ƀôn sang.

Klah čun mông jơnum Khua dêh čar ta Phạm Minh Chính, rôk tui Tơlơi pơtrun pơsit Jơnum prong tal 13 mơ̆ng Ping gah, tơlơi git gai, črâo ba mơ̆ng Ping gah dêh čar, mơ̆ng Ding jum kơđi čar, mơ̆ng khua git gai phun, bruă pơđĭ kyar bơwih ƀong mơnuih mơnam 2021-2030, hơdôm Kơčăo bruă 5 thun rơwang 2021-2025, hơdôm Tơlơi pơtrun pơsit, Tơlơi črâo ba mơ̆ng gong gai dêh čar, Khua dêh čar ta, kiăng pơplih jing kơčăo bruă, glông bruă ngă tui mơ̆ng rim gưl, rim gơnong bruă hăng ƀirô. Pơtrut kơtang pôr pơhing, biă ñu pôr pơhing hơdră bruă gum djru; pơđĭ dlông bôh tơhnal bruă pơtô ba mơnuih ƀôn sang; ngă tui klă tơlơi pơkă tơpă ƀơi plơi pla anom bruă; hơkrŭ đĭ pran jua gum hrŏm hơbit abih bang djuai ania./.