VOV4.Jarai - Čơtlăm lơ 23/9, Khua dêh čar ta git gai mông Jơnum “Pơđĭ kyar bruă kơsem min bôh thâo phrâo hăng hơdră phrâo măi mok ha amăng plĕ, ba glăi bôh tơhnal, phrâo rơnuk anai hăng mut hrom”. Bruă jơnum pơphun tui hơdră pơdah ƀơi anăp hăng lăng nao rai mơng ataih truh pơ̆ 63 bôh tơring čar, ƀôn prong. Bruă jơnum kiăng pơsit tơlơi, thâo krăn djơ̆ hơdôm tơlơi akă dưi ngă, dô̆ glăi, tơnap tap, tơlơi lông, mơng anun pơsit jơlan gah, ba tơbiă bruă mă, jơlan gah pioh pơphun bruă mă, mă yua klă hloh bruă kơsem min bôh thâo phrâo.

Đơ đam anih jơnum

Pơhiăp amăng mông jơnum, Khua dêh čar ta ơi Phạm Minh Chính lăi rơđah: Pơđĭ kyar bruă kơsem min bôh thâo phrâo khom mă kơsem min bôh thâo phrâo lĕ phun akha, mơnuih kơsem min lĕ pran pơtrut, anom bơwih ƀong lĕ phun ñu, djơ̆ hăng rơnuk hơkrŭ bôh thâo măi mok tal 4 hăng bruă mut hrom bơwih ƀong jar kơmar; khom hmâo hơdră bruă ha amăng plĕ, djơ̆, hăng pơđĭ kyar anih anom sĭ mơdrô gơnam tam, mơnuih mă bruă hăng prăk kak; nao hrom hăng bruă sĭ  mơdrô amăng lŏn ia ta hăng đơ đam rŏng lŏn tơnah hăng ƀơi kual, djơ̆ hăng tơlơi pơkôl jar kơmar mơng Việt Nam hăng phiăn jar kơmar./.

Siu H’ Prăk: Pơblang