Amăng mơguah lơ 1/12 mơtăm, Khua dêh čar ta Phạm Minh Chính tŭ jum Khua Ding jum ngăn rơnoh UAE hăng Khua Ding jum bơwih ƀong UAE Abdulla Bin Touq Al-Marri. Tơdơi kơ anun, Khua dêh čar nao pơhmư̆ mông pok phun Jơnum gưl dlông mă bruă yua kơ ayuh hyiăng rŏng lŏn tơnah.

Čơtlăm hrơi anai mơn, Khua dêh čar ta gum hrŏm git gai jơnum “Iâo pơhrui prăk kak ngă tui tơlơi pơkôl mơ̆ng Việt Nam kơ pơplih ayuh hyiăng” hrŏm hăng Khua phun akha đơ đam rŏng lŏn tơnah Standard Chartered Bank. Biă ñu, Khua dêh čar hmâo tơlơi čih pok phun bruă jơnum “Iâo pơhrui prăk kak ngă tui tơlơi pơkôl mơ̆ng Việt Nam kơ pơplih ayuh hyiăng”; hrŏm hăng anun nao pơhmư̆ hăng pơhiăp amăng mông ngă Lơhet lăi pơthâo Kơčăo bruă pơkă iâo pơhrui ngăn rơnoh (RMP) pok pơhai JETP. Hrŏm hăng anun, Khua dêh čar pơkă hlâo hmâo sa dua bruă mă dua bơnah, kah hăng bưp Khua dêh čar Anglê, Khua EC hăng Khua mir sir dêh čar Hungary./.