Pơhiăp phun amăng mông Jơnum, Khua dêh čar ta Phạm Minh Chính pơsit yôm akô̆ mơ̆ng bruă Bơkơtuai bruă mă amăng hơdôm hrơi rŏng lŏn tơnah hmâo lu tơlơi tơnap, tơlơi lông; bơni tơlơi ƀuh ƀô̆ mơ̆ng hơdôm bơnah gum hrŏm amăng mông bơkơtuai, mơ̆ng anun, hrŏm hăng Việt Nam hơkrŭ đĭ pran đăo gơnang, ngă pơhưč pran jua, pơjing pran pơtrut pioh gum hrŏm dơlăm, ba glăi bôh tơhnal hloh.

Khua dêh čar pơtŏng sit pơplih phrâo, hơduah ĕp hăng pơčeh phrâo hơdôm pran pơtrut pơđĭ kyar phrâo lĕ jơlan gah lăng nao djơ̆ hăng sit ñu mơ̆ng rŏng lŏn tơnah ră anai; ƀu djơ̆ sa bôh dêh čar, bruă bơwih ƀong hơpă, tơdah dô̆ djă pioh tơlơi pơmin hơđăp, kơnong kơ hluai tui hơdôm pran pơtrut pơđĭ kyar mơ̆ng hlâo, amra đĭ kyar tañ hăng kơjăp phik./.