Amăng mông jơnum, ƀing Khua mua pơtŏng sit lăng yôm tơlơi rô nao rai kơplah wah dua khul ƀơi kual yap mơ̆ng hrơi pơjing bruă rô nao rai thun 1990. ASEAN pơsit yôm abih bang hơdôm bôh dêh čar ding kơna GCC leng kơ hmâo mut hrŏm laih Tơlơi pơkôl Mơ-ak klă hăng Gum hrŏm Đông Nam Á, hrŏm hăng anun bơni Hơdôm bôh dêh čar Arab pơlir hơbit (UAE) jing Bơnah gum hrŏm bơkơtuai tui bruă mơ̆ng ASEAN yap mơ̆ng thun 2022.

Anăp nao pơgi kơdih anai, Khua mua hơdôm bôh dêh čar ASEAN hăng GCC tŭ ư hrŏm khom djă pioh bruă bơkơtuai na nao, hơkrŭ đĭ hăng ngă giong hơdôm hơdră gum hrŏm, hrŏm hăng anun pơtrut kơtang gum hrŏm dưm kơnar, hơdai bơhmâo yua, đing nao gum hrŏm amăng hơdôm bruă bơwih ƀong, sĭ mơdrô, tuh pơplai, pơhlôm glông pơlir kơjăp phik, gum hrŏm ia rơsĭ, hơđong apui yua, gơnam ƀong huă, bŏng glăi hăng pơplih ayuh hyiăng... Jơnum pel ĕp Tơlơi lăi pơtŏng hrŏm, lăi nao hơdôm bôh tơhnal bơkơtuai mơ̆ng Khua mua gưl dlông hăng ba tơbiă hơdôm jơlan gah pơsit pơđĭ kyar hloh dong tơlơi rô nao rai ASEAN - GCC pơ̆ anăp anai./.