Hmư̆ tui tơlơi jak iâu mơng Khua dêh čar Kur ơi Samdech Techo Hun Sen, Khua dêh čar ta ơi Phạm Minh Chính amra čuă dêh čar Kur mơng lơ 8-13/11. Tal nao čuă pơphun amăng mông tơlơi rô nao rai pha ra kơplah wah Việt Nam hăng Kur ƀu pơdơi bư̆ bôr đĭ, pơđĭ kyar yap mơng hrơi sit nik dưi pơjing rơgao hăng anai 55 thun.

Anai ăt lĕ tal nao čuă sit nik dêh čar Kur blung a mơng Khua dêh čar ta ơi Phạm Minh Chính hăng sa čô Khua dêh čar. Amăng rơwang nao čuă, pơkă hlâo Khua dêh čar ta ơi Phạm Minh Chính amra bơkơtuai hăng Khua dêh čar Kur ơi Hunsen, hrom hăng Khua dêh čar Kur ơi Hunsen nao pơhmư̆ đĭ pơhiăp git gai amăng mông Bơkơtuai pơtrut tuh pơplai sĭ mơdrô Việt Nam hăng Kur; bơkơtuai hăng pơtao dêh čar Kur Norodom Sihamoni, Khua git gai wai lăng pơ ala mơnuih ƀôn sang gơnong dlông Say Chhum, Khua git gai wai lăng pơ ala mơnuih ƀôn sang ơi Heng Samrin hăng bưp sa dua khua git gai gưl dlông dêh čar Kur./.