Ƀơi mông bưp, Khua dêh čar ta, ơi Phạm Minh Chính pơtŏng sit, Ping gah, Kơnuk kơna, Gong gai dêh čar, Khua pơ ala mơnuih ƀôn sang hăng mơnuih ƀôn sang dêh čar Việt Nam ƀu wor bit ôh tơlơi gum djru abih pran jua mơ̆ng Cuba pioh kơ bruă tlaih rơngai djuai ania mơ̆ng Việt Nam, lăng yôm, djă pioh hăng pơsit pran jua ngă dơlăm hloh dong tơlơi rô nao rai phiăn juăt gum hrŏm hơbit hăng gum hrŏm abih bang Việt Nam hăng Cuba, gum hrŏm djru ba bruă ngă hơkrŭ lăp djơ̆ mơ̆ng mơnuih ƀôn sang dêh čar Cuba.

Khua dêh čar pơtŏng sit glăi tơlơi pơmin ha sa mơ̆ng Việt Nam ƀu dŏng yua ôh hăng rơkâo pơtlaih hơdôm bruă kom ha jăn pioh kơ Cuba. Dua bơnah pơtŏng sit tơlơi gir run gum hrŏm pơphun klă hơdôm bruă mă hơdor glăi 50 thun tal nao čuă mơ̆ng Khua mir sir Fidel pơ̆ kual tlaih rơngai Dơnung dêh čar Việt Nam (blan 9/1973 – 9/2023), biă ñu lĕ ƀrô djơ̆ tal rai čuă dêh čar Việt Nam mơ̆ng Khua git gai wai lăng pơ ala mơnuih ƀôn sang dêh čar Cuba Esteban Lazo Hernández./.