Čơtlăm lơ 13/11, tơdơi ngă Lơphet čơkă sit nik mơtăm, Khua dêh čar ta ơi Phạm Minh Chính hmâo bơkơtuai laih hăng Khua dêh čar Đức Olaf Scholz. Amăng mông bơkơtuai, Khua dêh čar ta ơi Phạm Minh Chính pơsit tal rai čuă mơng Khua dêh čar Đức Olaf Scholz hmâo bôh than yôm phăn biă, ngă brơi tơlơi rô nao rai dua bôh dêh čar hơdai nao rơwang pơđĭ kyar phrâo.

Amăng tơlơi đăo gơnang hăng tơpă ară, dua Khua dêh čar hmâo bơkơtuai laih abih bang kơ tơlơi pơđĭ kyar bơwih ƀong mơnuih mơnam rim bôh dêh čar, tơlơi gum hrom dua bơnah hăng hơdôm tơlơi amăng kual, jar kơmar hơdai bơđing nao. Dua gơñu hmâo tŭ ư hrom hơdôm jơlan gah, bruă mă prong pioh pơtrut kơtang abih bang gum hrom kơplah wah dua bôh dêh čar. Dua bơnah hmâo tŭ ư kơtưn pơplih bruă bơkơtuai hơdôm gưl, biă ñu gưl dlông, ƀơi hơdôm glông bruă Ping gah, Kơnuk kơna, Gong gai, Khua pơ ala mơnuih ƀôn sang, pok pơhai ba glăi bôh tơhnal dong hơdôm hơdră gum hrom dua bơnah. Gah bơwih ƀong – sĭ mơdrô, dua gơñu pơtrut pơsur hơdôm bôh ƀirô, anom bơwih ƀong dua bôh dêh čar pok pơhai djop djel dong, ba glăi bôh tơhnal Tơlơi pơkôl sĭ mơdrô yua kơ Việt Nam – EU (AVFTA)./.