Amăng mông bưp, Khua dêh čar ta ơi Phạm Minh Chính pơtŏng sit, phiăn gum hrŏm hơbit, kĕ phĭ hrŏm, gum nao rai tơdruă kơplah wah Việt Nam – Kur lĕ kông ngăn yôm phăn, jing sa amăng hơdôm bôh than yôm phăn kơ bruă tlaih rơngai djuai ania hlâo adih hăng bruă pơdŏng pơđĭ kyar mơ̆ng rim dêh čar ră anai. Dua gơñu mơ-ak ƀơi anăp hơdôm yak pơđĭ kyar mơ̆ng tơlơi rô nao rai iao gah klă hiam, giăng mah mơ̆ng hlâo, gum hrŏm abih bang, kơjăp sui thun kơplah wah dua bôh dêh čar hơdôm hrơi rơgao, bơni bruă dua bôh dêh čar djă pioh na nao hơdôm tal čuă nao rai hăng pơbưp gưl dlông, hơdôm gưl. Dua gơñu lăi rơđah bôh yôm, nua yôm gru grua mơ̆ng tơlơi rô nao rai Việt Nam - Kur -Lao; pơtŏng sit djă pioh dong hơdôm hơdră pơkă gum hrŏm kơplah wah 3 bôh dêh čar ƀơi abih bang hơdôm glông bruă, yua kơ bôh tŭ yua mơ̆ng mơnuih ƀôn sang 3 bôh dêh čar, yua kơ tơlơi rơnuk rơnua, hơđong hăng pơđĭ kyar ƀơi kual hăng ƀơi rŏng lŏn tơnah.

 Ăt amăng rơwang nao pơhmư̆ mông Jơnum, Khua dêh čar ta ơi Phạm Minh Chính hmâo bưp laih Lam Thiên Lập, Khua Kual git gai mă pô djuai ania Choang Quảng Tây, dêh čar Khač, tŭ jum Khua Sang prăk pơđĭ kyar kual ASIA, bưp Khua dêh čar Lao./.