Amăng mông bưp, dua gơñu mơ-ak ƀơi anăp hơdôm tơlơi pơđĭ kyar klă hiam mơng gum hrom dua bơnah amăng hơdôm thun jê̆ hăng anai, biă ñu amăng bruă kơđi čar – pơtom hiăp, rơnuk rơnua – pơgang lŏn ia, sĭ mơdrô hăng tuh pơplai; pơtŏng sit lăng yôm dong hăng đing nao hlâo hăng bruă djă pioh, ngă kơjăp tui hăng pơđĭ kyar tơlơi rô nao rai giăng mah, gum hrom hơbit pha ra hăng gum hrom abih bang Việt Nam hăng Lao jai hrơi nao dơlăm, ba glăi bôh tơhnal tŭ yua sit nik kơ mơnuih ƀôn sang dua bôh dêh čar.

Bơkơtuai kơ sa dua mơta tơlơi jar kơmar hăng amăng kual hơdai bơ đing nao, dua bơnah tŭ ư hrom gum hrom kơjăp dong, dŏng yua, bơkơtuai na nao, lăi pơthâo kơ tơdruă amăng hơdôm bruă bơkơtuai lu bơnah ƀơi kual hăng jar kơmar, biă ñu lĕ ASEAN, Sang gum hơbit djop dêh čar hăng hơdôm hơdră gum hrom kual anet, djru djă pioh pran gum hrom hơbit, pơlir hơbit hăng bruă mă phun mơng ASEAN ƀơi anăp hơdôm tơlơi lông amăng rơnuk phrâo./.