Amăng mông bưp, dua gơñu hmâo pơdah djơ̆ pran biă bruă gum hrom kơplah wah Việt Nam hăng Philippines pơđĭ kyar klă hiam khă bưp lu tơlơi tơnap yua kơ klin Covid-19; biă ñu pơsit yôm bruă dua bơnah djă pioh bôh tơhnal hơdôm bruă mă pơbưp, bơkơtuai gưl dlông. Lăi pơthâo nao rai bruă sĭ mơdrô dua bơnah pơđĭ kyar kơtang, abih bang prăk pơhrui glăi mơng gơnam blơi sĭ thun 2021 hmâo 6 klai 800 klăk dolar Mi, lu hloh yap mơng hlâo truh kơ ră anai; amăng 8 blan akô̆ thun anai, mrô anai hmâo giăm truh 5 klai 400 klăk dolar Mi.

Khua dêh čar ta ơi Phạm Minh Chính rơkâo dua bơnah gum hrom prăp lui klă hloh kơ tal nao čuă Philippines pơ̆ anăp mơng Khua git gai wai lăng pơ ala mơnuih ƀôn sang dêh čar ta ơi Vương Đình Huệ. Khua dêh čar ta ơi Phạm Minh Chính rơkâo dua bôh dêh čar kơtưn sĭ mơdrô nao rai gơnam tam, amăng anun hmâo braih; pel ĕp lom lui hơdôm anô̆ ngă gun, ngă gal brơi bruă bơwih ƀong sĭ mơdrô tuh pơplai klă kơ anom bơwih ƀong sĭ mơdrô tơdruă, pơtrut bruă sĭ mơdrô gơnam mă mơng đang hmua, biă ñu hơdôm mơta gơnam hmâo nua yôm đĭ lu. Khua dêh čar ta rơkâo Philippines đing nao dong, ngă gal brơi kơ mơnuih Việt Nam bơwih ƀong, dô̆ hơdip mơda ƀơi Philippines./.