Mơnuih pơ ala mơnuih ƀôn sang hmâo lu tơlơi gum pơhiăp, rơkâo đĭ hơdôm tơlơi rơđah, lăi đĭ, hmâo bơdjơ̆ nao truh tơlơi hơdip mơda, ngă đang hmua mơ̆ng mơnuih ƀôn sang quận Ô Môn lăi ha jăn hăng ƀôn prong Cần Thơ, Kual lŏn dăo ia krông Cửu Long lăi hrŏm.

Tơdơi kơ Khua jơnum min mơnuih ƀôn sang ƀôn prong Cần Thơ lăi pơblang, tŭ mă tơlơi gum pơhiăp, rơkâo đĭ mơ̆ng mơnuih pơ ala kơ mơnuih ƀôn sang gah pô dưi, Khua dêh čar ta ơi Phạm Minh Chính djă pioh, bơni mơnuih pơ ala kơ mơnuih ƀôn sang hmâo nao pơhmư̆ mông bưp hăng hmâo lu tơlơi gum pơhiăp klă, tơpă sit, hmâo bruă gơgrong, hmâo sit; lăi lĕ, anai ăt lĕ hơdôm tơlơi mơ̆ khua dêh čar, hơdôm ding jum,  gơnong bruă, tơring čar, ƀôn prong hăng mơnuih ƀôn sang glăk dô̆ pơmin; khom hmâo jơlan pơsir ba glăi bôh tơhnal rơđah. Khua dêh čar ta ơi Phạm Minh Chính brơi thâo: Tơlơi bơwih ƀong – mơnuih mơnam 4 blan akô̆ thun 2024 hmâo laih bôh tơhnal klă hloh kơ thun 2023 amăng kah hăng abih bang hơdôm bruă. Bruă bơwih ƀong prong phun ñu hơđong hăng hmâo jơlan gah hơkrŭ glăi klă dong, tơlơi đĭ nua gơnam dưi wai lăng, hơdôm tơlơi ngă dưm kơnar prong mơ̆ng bruă bơwih ƀong dưi pơhlôm./.