Tô̆ tui hơdôm bruă mă amăng rơwang nao pơhmư̆ Jơnum Gưl dlông ASEAN – Khul gum hrŏm kual Tŏng Ving (GCC) hăng čuă dêh čar Ả-rập Xê-út, Khua dêh čar ta ơi Phạm Minh Chính hmâo nao čuă Ƀirô mă bruă GCC, bưp Khua čih pioh GCC hăng lăng hmư̆ mông ngă lơphet kĭ pơkôl Hră pơ-ar čih djă pioh kơ gum hrŏm kơplah wah Ding jum pơtom hiăp Việt Nam hăng Grŭp čih pioh GCC.

Khua dêh čar ta ơi Phạm Minh Chính pơsit yôm bruă mă mơ̆ng GCC hăng pơtŏng sit Việt Nam lăng bruă pơtrut hloh dong gum hrom hơdai bơhmâo yua hăng GCC hăng hơdôm bôh dêh čar ding kơna. Khua dêh čar ta lăi rơđah Việt Nam amra ngă jơlan tô nao rai, pơtrut gum hrŏm ASEAN-GCC, rơkâo Ding jum pơtom hiăp Việt Nam hăng Grŭp čih pioh GCC tañ tŭ ư hrŏm jơlan hơdră gum hrŏm rơđah pioh pok pơhai ba glăi bôh tơhnal Hră čih hơdor pioh phrâo kĭ pơkôl. Gah pô, pơsit yôm bruă mă hăng anih gơgrong mơ̆ng Việt Nam ăt kah hăng hơdôm bôh than mơ̆ Việt Nam Khua čih pioh pơtŏng sit, Grŭp čih pioh GCC amra djru klă kơ Việt Nam pơtrut gum hrŏm hăng hơdôm bôh dêh čar ding kơna amăng hơdôm bruă dua bơnah hmâo pran kơtang./.