Bơkơtuai amăng mông jơnum, lu khua pơ ala hmâo bơkơtuai tơpă ară, pơdŏng, hmâo laih lu tơlơi gum pơhiăp bơkơtuai dơlăm, sit nik, gơgrong, pran jua hăng ba tơbiă hơdôm tơlơi ba tơbiă hăng rơkâo đĭ lu jơlan pơsir lăp djơ̆, djơ̆ hăng bôh nik hăng dưi ngă tui. Gah hơdôm bruă mă, jơlan pơsir rơđah Khua dêh čar Phạm Minh Chính črâo rơđah 5 ƀut bruă pơsir amăng anun lăi rơđah: Pơđĭ tui, pơlir hơbit thâo kơ anô̆ pha ra mơng plơi prong, bruă mă, anih dŏng mơng plơi prong amăng tơlơi pơđĭ kyar hrom.

Tơlơi pơmin črâo ba hrom lĕ khom pơlir hơbit thâo amăng đơ đam lŏn ia, biă ñu ƀơi hơdôm plơi pla hăng ƀirô bơdjơ̆ nao kơ anô̆ pha ra, bruă mă, anih dŏng, tơhnal yôm phăn mơng plơi prong – lĕ phun than yôm pioh pơlir hơbit ngă bruă. Kơnong hmâo tơlơi pơplih phrâo tơlơi pơmin, ngă truh kih tơlơi pơmin rơđah kơ plơi prong ƀing ta mơng dưi hmâo tơlơi đăo gơnang, bruă gơgrong hăng ngă bruă djơ̆ kiăng anăp nao truh bôh tơhnal čang rơmang. Khua dêh čar đăo gơnang lĕ hăng pran pơsit hăng ngă tui khut khăt mơng abih bang glông bruă kơđi čar, hơdôm gưl, hơdôm gơnong bruă hăng tơlơi dŏng yua mơng gơyut gơyâu jar kơmar, pơ̆ anăp anai, hơdôm bôh plơi prong Việt Nam amra hmâo tơlơi pơđĭ kyar kơtang hăng pơplih phrâo./.