Amăng mông bơkơtuai, dua gơñu hmâo lăi pơthâo nao rai abih bang bruă pơđĭ kyar bơwih ƀong – mơnuih mơnam rim bôh dêh čar, hơdôm bruă pơtrut tơlơi rô nao rai dua bơnah hăng hơdôm tơlơi jar kơmar, amăng kual hơdai bơđing nao. Khua dêh čar Hà Lan pơdah pran jua djă pioh ƀơi anăp hơdôm bôh than dưi ngă klă mơ̆ng Việt Nam amăng rơwang hơkrŭ glăi hăng pơđĭ kyar bơwih ƀong tơdơi kơ klin Covid-19 hăng yap mơ̆ng tal čuă thun 2019 mơ̆ng ñu. Dua gơñu pơsit yôm tơlơi gir run mơ̆ng dua bơnah amăng ngă tui hơdôm tơlơi pơkôl hăng gum hrŏm hmâo kĭ pơkôl.

Dua gơñu tŭ ư hrŏm gum hrŏm đăo gơnang bruă kơđi čar hluai tui bơkơtuai grŭp gưl dlông, pok pơhai ba glăi bôh tơhnal dong hơdôm hơdră pơkă hăng pơkôl gum hrŏm dua bơnah, hrŏm hăng anun kơsem min pơdŏng hơdôm hơdră pơkă phrâo kiăng ngă dơlăm hloh bruă gum hrom gah bruă mă kơplah wah dua bôh dêh čar; pơtŏng sit bruă bơwih ƀong – sĭ mơdrô lĕ phun than yôm phăn amăng tơlơi rô nao rai dua bôh dêh čar, tŭ ư hrŏm pok pơhai djop tum, ba glăi bôh tơhnal Tơlơi pơkôl sĭ mơdrô mơ-ak klă Việt Nam hăng Hà Lan. Dua gơñu tŭ ư hrŏm pơtrut kơtang dong rơwang gum hrŏm gah ngă juăt hăng pơplih ayuh  hyiăng, wai lăng ia yua, bruă đang hmua kơjăp phik, djru tơngan hrŏm bŏng glăi hăng hơdôm tơlơi lông đơ đam rŏng lŏn tơnah. Tơdơi kơ mông bơkơtuai, dua gơñu hmâo lăng hmư̆ mông ngă Lơphet jao 4 mơta hră pơkôl gum hrŏm kơplăh wah hơdôm ding jum, gơnong bruă, khul gum hrŏm dua bôh dêh čar amăng hơdôm bruă hyu hơduah ĕp hăng hyu mă kơjăp hơdôm lŏn čuah bôh pơtâo yôm phăn, bruă rô nao rai hăng dêh čar tač rơngiao, tuh pơplai, sĭ mơdrô./.