Khua hơdôm bôh anom bơwih ƀong pơdah pran jua đăo gơnang tơlơi gum hrom kơplah wah Việt Nam hăng Indonesia pơđĭ kyar klă hiam amra jing phun than kơjăp pioh anom bơwih ƀong dua bôh dêh čar pok prong gum hrŏm tuh pơplai; pơsit Việt Nam lĕ anih anom hmâo tơhnal gal biă, ngă pơhưč kơ hơdôm anom bơwih ƀong tuh pơplai bơwih ƀong sĭ mơdrô gơnam, hơdôm mơta gơnam klă hiam.

Amăng mông pơbưp, Khua dêh čar ta, ơi Phạm Minh Chính hơ-ưč hmưi hơdôm bruă tuh pơplai truh kih mơ̆ng hơdôm bôh anom bơwih ƀong ƀơi Việt Nam. Khua dêh čar rơkâo, hăng bruă pơhrư̆i tŭ yap tuh pơplai, pok prong tuh pơplai..., hơdôm bôh anom bơwih ƀong khom gum hrŏm kơjăp hăng hơdôm tơring čar, ƀôn prong, hơdôm bôh ƀirô bơdjơ̆ nao kah hăng Ding jum kơčăo bruă hăng tuh pơplai kiăng dưi pơtô brơi, djru rơđah hăng ngă tui hơdôm hơdră bruă pơtrut pơsur, djru gum tui tơlơi pơkă mơ̆ng tơlơi phiăn, hluai tui pran jua dưm kơnar kơplah wah hơdôm bôh anom bơwih ƀong hăng ngă amuñ hră pơ-ar, bĕ ngă gun kơ mơnuih tuh pơplai./.