Pơhiăp klah čun mông mă bruă, Khua dêh čar rơkâo, pơ̆ anăp anai, Hòa Bình ngă tui ba glăi bôh tơhnal Pơkă kual hmâo pơsit laih, mă yua đut hlah tơhnal gal pha ra, tơhnal ƀuh rơđah, anô̆ gal bơkơtưn; ngă tui pơplih tơlơi pơmin, tơhnal lăng, bôh than pơđĭ kyar; pơjing anih anom pơđĭ kyar phrâo, pơjing nua yôm phrâo.

Gah bruă jao, jơlan pơsir phun Khua dêh čar rơkâo, Hòa Bình khom pơplih phrâo tơlơi pơmin, tơhnal lăng pơđĭ kyar, mă yua đut hlah ngăn rơnoh amăng lăm, biă ñu ngă tui phiăn juăt gru grua đưm, bôh thâo đưm; pơjing hơdôm bruă pơtrut ngă phun akha ba jơlan hlâo pơđĭ kyar. Pơđĭ kyar hơdôm gơnong bruă pơtrut pioh pơđĭ kyar, đing nao măi mok pơkra gơnam, hơdră phrâo yôm; tuai čuă lăng glai klô, pơdơi pơdă, bơkơjăp drơi jăn, bôh thâo gru grua...; bruă đang hmua hơdjă, klă kơ lŏn, anô̆ kơjăp prong. Kơtưn hăng pơđĭ glông bôh tơhnal pơlir hơbit bơwih ƀong, mă yua klă bruă tô nao rai kual kơplah wah Kơdư Yŭ hăng plơi prong jưh jom Hà Nội, kual lŏn dăo ia krông Hồng./.