Hăng pran jua pơpŭ sit hăng hơdor tơngia hlong hlar, Khua dêh čar ta ơi Phạm Minh Chính hmâo pơpŭ hăng bơnga hăng dô̆ kret pioh hơdor kơ pran jua tuh rơyuh mơ̆ng Khua mir sir Hồ Chí Minh pioh kơ bruă ngă hơkrŭ ư-ang mơ̆ng Ping gah hăng djuai ania. Khua dêh čar ta ơi Phạm Minh Chính hmâo čih pioh amăng hră djă pioh ƀơi Kual djă pioh gru grua pơtŏng sit: “Anai lĕ gru grua yôm phăn, pơdah brơi kơ gru grua gum hrŏm hơbit, kĕ phĭ mơ̆ng bruă ngă hơkrŭ dua Ping gah, dua bôh dêh čar Việt Nam hăng Khač.

Gong gai dêh čar Việt Nam bơni sit nik kơ Ping gah, Gong gai hăng Mơnuih ƀôn sang tơring čar Vân Nam hmâo pơpŭ djă pioh Kual gru grua. Anai amra jing “Anih anom yôm” pioh mơnuih ƀôn sang, biă ñu rơnuk hlăk ai dua bôh dêh čar hrăm tui, mơ̆ng anun djru klă kơ bruă bư̆ bôr tơlơi giăng mah “jing ƀing gŏp rah, hăng jing adơi ayong rah” Việt Nam – Khač mơ-ak klă hlong hlar, kơjăp phik na nao”./.