Khua dêh čar ta, ơi Phạm Minh Chính nao pel ĕp, hyu hơduah lăng anih anom apui ƀong sang dô̆ lu sang anô̆ mini Khương Đình, Hà Nội
Thứ năm, 06:00, 14/09/2023
VOV/Siu H' Prăk pơblang
VOV/Siu H' Prăk pơblang
VOV4.Jarai – Yang hrơi dŏng tom brơi (13/9), Khua dêh čar ta, ơi Phạm Minh Chính nao pel ĕp, hyu hơduah lăng anih anom apui ƀong sang mini pơ̆ phường Khương Đình, quận Thanh Xuân, ƀôn prong Hà Nội tơdơi kơ anun nao čuă hăng pel ĕp bruă pơtlaih mơnuih amăng tơlơi apui ƀong sang pơ̆ Sang ia jrao Bạch Mai, Hà Nội.
Ƀơi anih apui ƀong sang, pơ ala kơ Gong gai dêh čar, Khua dêh čar ta mơ-ĭt tơlơi tơña bla, rơngôt hrŏm dơlăm truh gop djuai, sang anô̆ mơnuih hmâo tơlơi truh hăng črâo ba Jơnum min mơnuih ƀôn sang ƀôn prong Hà Nội črâo ba pơphun tơña bla tŏng ten, hmao tlôn pơsur pran jua, djru gơnam tam, pran jua kơ sang anô̆ mơnuih hmâo tơlơi truh; gum hrŏm kơjăp hăng Ding jum kông ang črâo ba hơdôm khul grŭp apăn bruă đing nao hơkrŭ pơsir anô̆ răm rai, tañ pel ĕp bôh than ba truh tơlơi apui ƀong sang, ngă rơđah bruă gơgrong mơ̆ng hơdôm khul grŭp, mơnuih hmâo bơdjơ̆ nao; pơsir tơpă tơlơi ngă soh (tơdah hmâo) tui tơlơi pơkă amăng tơlơi phiăn./.
Viết bình luận