Amăng mông ngă lơphet, Khua dêh čar ta ơi Phạm Minh Chính lăi rơđah, pơđĭ kyar anom mă yua ha amăng plĕ, phrâo rơnuk anai jing sa amăng 3 tơlơi pơplih phrâo bruă mă, dưi hmâo Ping gah, Kơnuk kơna biă ñu đing nao črâo ba ngă tui.

Ƀơi mông ngă Lơphet, Khua dêh čar ta rơkâo hơdôm Ding jum, gơnong bruă, ƀirô, anom bruă, pô gơgrong tuh pơplai khom ngă tui rơwang bruă hluai tui pran jua; “črông sai ngă, ƀu črông sai kơdun glăi, “pơkra 3 rơwang mông, 4 kíp”, “ƀong hơneč mă, pit tañ”, “găn rơgao pơ-iă hang, hơjan kơtang; mă bruă hrơi mlăm ƀu pơdơi, truh kơ Tết hai ƀu pơdơi mơn”, “hmâo pơkôl laih khom ngă ba glăi bôh tơhnal; ring bruă khom pơhlôm klă, djơ̆ bôh thâo, anô̆ hiam, pơhlôm klă, pơgang anih anom dô̆, ƀu hmâo đua đĭ ngăn rơnoh, kơdŏng tơlơi ƀu klă ngă soh; hrưn đi ngă giong ring bruă hlâo kơ lơ 31/12/2025, pơjing bôh thâo klă čơkă Jơnum prong đơ đam dêh čar tal 14 mơ̆ng Ping gah dêh čar./.