Amăng tal nao mă bruă anai, hơdôm bruă mă mơ̆ng Khua dêh čar ta, ơi Phạm Minh Chính hăng grŭp hmâo truh kih klă hiam laih hăng 3 bôh tơhnal phun ƀuh rơđah, djru kơtưn đĭ pran đăo gơnang bruă kơđi čar, hơkrŭ đĭ tơlơi rô nao rai dua bơnah Việt Nam hăng Khač.

Bruă bơkơtuai kơplah wah Khua dêh čar ta, ơi Phạm Minh Chính hăng Khua dêh čar Khač, ơi Lý Cường pơtrut gum hrŏm sit nik dong, biă ñu bruă bơwih ƀong – sĭ mơdrô Việt Nam hăng Khač lăi hrŏm hăng kơplah wah hơdôm tơring čar, ƀôn prong Việt Nam hăng Quảng Tây, dêh čar Khač lăi ha jăn. Amăng mông jơnum ngui sang čơ Khač hăng ASEAN tal anai, Việt Nam ăt čang rơmang mơn hơdôm bruă gum hrŏm amăng rơwang hơdră pơkă CAEXPO amra jing sa amăng hơdôm pran pơtrut yôm phăn pơtrut pơđĭ kyar hrŏm đơ đam Khul ASEAN – Khač, ngă brơi tơlơi gum hrŏm bơwih ƀong, sĭ mơdrô, tuh pơplai hăng tuai čuă ngui kơplah wah Khač hăng hơdôm bôh dêh čar kual ASEAN, amăng anun hmâo Việt Nam đĭ truh tơhnal phrâo hloh./.