Khua dêh čar ta ơi Phạm Minh Chính pơtŏng sit, Việt Nam lăng EU jing bơnah gum hrom yôm phăn ba jơlan hlâo amăng hơdră bruă pơtom hiăp mơng Việt Nam. Khua dêh čar lăi rơđah, bơwih ƀong hơdjă, bơwih ƀong mrô, bơwih ƀong rơwang sir klĕp hăng pơđĭ kyar kơjăp phik jing jơlan nao sit yơh kơ bruă pơđĭ kyar bơwih ƀong hăng mơnuih mơnam mơng hơdôm bôh dêh čar, plơi pla, anom bơwih ƀong hăng ba truh tơlơi truh kih ƀơi lu dêh čar.

 Kơnuk kơna Việt Nam hmâo pơdah laih pran pơsit hăng tơlơi čang rơmang tơlơi pơplih kơtang tit hăng ba glăi bôh tơhnal hloh dong pơ̆ anăp anai hăng bruă pơsit bruă lŏn ia gah pơđĭ kyar hơdjă rơwang 2021-2030, tơhnal lăng nao truh thun 2050. Jing sa bôh dêh čar glăk pơđĭ kyar, samơ̆ Việt Nam hmâo khin hơtai ba tơbiă hơdôm tơlơi pơkôl kơtang biă gah pơđĭ kyar kơjăp. Việt Nam gum hrom laih 150 bôh dêh čar pơkôl ngă brơi rơnoh ayuh sat pơđoh tơbiă pơwot glăi mrô 0 amăng krah rơnuk thun; hrom hăng rơbêh kơ 100 bôh dêh čar gum hrom Pơkôl hrŏ trun ayuh pơđoh tơbiă metan đơ đam rŏng lŏn tơnah amăng thun 2030./.