Amăng mông tŭ jum, Khua dêh čar ta, ơi Phạm Minh Chính pơ ala kơ khua git gai Ping gah, Kơnuk kơna mơ-ĭt tơlơi hơ-ư̆č hmưi truh Khul đăo phơ̆t Việt Nam hmâo pơphun truh kih Jơnum khua pơ ala Khul đăo phơ̆t đơ đam dêh čar tal 9, rơwang bruă 2022-2027.

Khua dêh čar pơtŏng sit, khul đăo phơ̆t hmâo lu tơlơi gum hơgôp yôm phăn amăng bruă “djru lŏn ia, hơđong mơnuih ƀôn sang”; lu mơnuih amăng gru grua đưm, khin hơtai djuai ania mơ̆ anăn păn, bruă mă nao hrom hăng đăo phơ̆t. Amăng hơdôm thun rơgao, hăng jơlan gah “Đăo djơ̆ phiăn – Djuai ania – Djop mơnuih dưm kơnar”, tô tui bruă mă mơng Khul đăo phơ̆t Việt Nam hmâo yak rơgao djop tơlơi tơnap, ƀu pơdơi pơđĭ kyar, prong kơtang djop mơta. Khul đăo ba jơlan hlâo na nao amăng hơdôm bruă bơkơtưn khăp kơ lŏn ia, gum hrom hơbit djop tơlơi đăo, pơtŏng sit tơlơi rô nao rai kơplah wah tơlơi đăo hăng djuai ania, abih pran jua hrưn đĭ yua kơ tơlơi hơdip klă hiam, pơđao, yâu mơ-ak mơng mơnuih ƀôn sang./.