Khua dêh čar ta pơtŏng sit, Việt Nam lăng yôm tơlơi rô nao rai kơplah wah Việt Nam hăng Israel. Pơsit dua bôh dêh čar hmâo lu anô̆ gal djru nao rai tơdruă, Khua dêh čar rơkâo dua bơnah tañ pok pơhai ba glăi bôh tơhnal Tơlơi pơkôl sĭ mơdrô mơ-ak klă Việt Nam hăng Israel hăng kơsem min bơkơtuai, kĭ pơkôl bruă gum hrŏm gah măi mok kơplah wah dua bôh dêh čar; ngă gal brơi hơdôm bruă bơkơtuai nao rai grŭp bơwih ƀong, gum hrŏm pơphun hơdôm bruă pơtrut sĭ mơdrô, tô nao rai bruă sĭ mơdrô; Israel kơtưn blơi mut hơdôm mơta gơnam hmâo anô̆ gal mơng Việt Nam kăh hăng akan hơdang, añăm hla rok, hơbơi pơtơi, gơnam ƀong pơkra lui hlâo hăng hơdôm gơnam mă yua.

Khua dêh čar rơkâo dua bơna pơtrut kơtang gum hrŏm pơplih phrâo pơčeh phrâo, bruă măi mok yôm, gum hrŏm gah ia rơsĭ, bŏng glăi pơplih ayuh hyiăng, amăng anun hmâo gum hrŏm bŏng glăi hăng phang khôt ƀơi hơdôm bôh tơring čar kual tŏng krah dêh čar; pơtô pơhrăm mơnuih mă bruă kơjăp./.