Amăng mông tŭ jum, Khua dêh čar ta, ơi Phạm Minh Chính hơ-ưc hmưi hăng pơsit yôm hơdôm bôh than mơ̆ng Grŭp Marriott amăng bruă pơđĭ kyar hơdôm bôh sang jưh tuai yôm ƀơi rŏng lŏn tơnah ăt kah hăng ƀơi dêh čar Việt Nam.

Kiăng kơtưn gum hrŏm pơ̆ anăp anai, Khua dêh čar rơkâo Marriott pok pơhai dong kơčăo bruă pok prong tuh pơplai amăng bruă tuai čuă ngui, bơwih buang sang jưh tuai, pơdơi pơdă hăng hơdôm rơwang bruă pơkă prong lăp djơ̆ hăng tơlơi ƀơi Việt Nam hăng ngă pơhưč tuai čuă ngui mơ̆ng dêh čar tač rơngiao; gum hrŏm pơtô pơhrăm, pơđĭ kyar pơlar mơnuih mă bruă kơjăp, djơ̆ hăng tơhnal jar kơmar pơkă; tô nao rai bruă tuai čuă ngui Việt Nam hăng kual laih anun ƀơi jar kơmar, pơplih phrâo anih anom tuai čuă ngui, pơlir hơbit, pơđĭ tui bôh thâo wai lăng amăng bruă tuai čuă ngui; djru ba hăng gum hrŏm hăng Việt Nam hơkrŭ glăi, pơđĭ kyar bruă tuai čuă ngui hăng dŭ pơgiăng hăng rơdêh por pơ̆ anăp anai./.