Tơlơi pơhing pơ̆ anăp Khua pơtrun bruă Khul ling tơhan dêh čar Kur kơ jơlan gah pơtom hiăp hăng hơdră bruă pơgang lŏn ia “4 ƀu hmâo” mơ̆ng Việt Nam, Khua dêh čar ta, ơi Phạm Minh Chính pơtŏng sit, Việt Nam lăng yôm biă hăng pioh tơlơi đing nao hlâo kơ bruă ƀu pơdơi hơkrŭ đĭ hăng pơđĭ kyar tơlơi rô nao rai dêh čar iao gah klă hiam, giăng mah mơ̆ng hlâo, gum hrŏm abih bang, kơjăp sui thun hăng Kur; dŏng yua na nao sa Kur rơngai, gơgrong pô, rơnuk rơnua, pơđĭ kyar pơdrŏng asah hăng jai hrơi jai jing bruă mă prong hloh ƀơi jar kơmar. Khua dêh čar Việt Nam čang rơmang Khul ling tơhan dua bôh dêh čar khom ba jơlan hlâo amăng bruă djă pioh, bư̆ bôr đĭ tơlơi rô nao rai klă hiam Việt Nam hăng Kur.

Amăng anun hmâo pơtô juăt mơnuih mă bruă; kơtưn đĭ dong lăi pơhing nao rai, tơlơi hmâo; kơtưn pơtô juăt phiăn juăt gum hrŏm hơbit mơ̆ng khul ling tơhan hăng mơnuih ƀôn sang dua bôh dêh čar; pơsir ba glăi bôh tơhnal hơdôm tơlơi dô̆ glăi hăng phrâo hmâo mơ̆ng anom bruă. Pơgăn tơlơi kah pơpha tơlơi rô nao rai gum hrŏm hơbit Việt Nam hăng Kur – Lao./.