Ƀơi kual hơdor kơ Đại tướng Võ Nguyên Giáp Khua dêh čar ta ơi Phạm Minh Chính hrŏm hăng grŭp hyu mă bruă tuĭ ñang hăng čih hơdor pioh hơdor tơngia kơ bơngat jua Đại tướng Võ Nguyên Giáp hăng ƀing pơsăn drơi ƀơi tơdrŏn blah Điện Biên Phủ.

Anăn păn, bruă mă mơ̆ng Đại tướng Võ Nguyên Giáp – Khua pơtrun bruă blah, ayong tha mơ̆ng Khul ling tơhan mơnuih ƀôn sang dêh čar Việt Nam, Pô Khua pơđom pioh gru grua, rơgơi mơbruă tơhan hăng čơđai rơgơi mơ̆ng Khua mir sir Hồ Chí Minh; tơlơi gum hơgôp, tuh rơyuh mơ̆ng Đại tướng Võ Nguyên Giáp hăng ƀing ling tơhan pơsăn drơi amra dô̆ glăi na nao amăng gru grua hur har mơ̆ng djuai ania ta, khul ling tơhan ta kah hăng sa tơlơi adôh bơni ƀu thâo tŏi dơnuai. Kiăo tui anun, Khua dêh čar ta ơi Phạm Minh Chính hrŏm hăng grŭp hyu mă bruă hmâo nao čuă Kual djă pioh gru grua Anom bruă git gai bruă blah ƀơi Điện Biên Phủ; čuă, ƀơk gơnam tam kơ 20 čô ling tơhan Điện Biên hăng sang anô̆ gah hơdră bruă ƀơi să Mường Phăng, să Pá Khoang, plơi prong Điện Biên Phủ./.