Amăng mông bưp, khua pơ ala kơ hơdôm khul grŭp Romani hmâo lăi rơđah hăng Khua dêh čar ta Phạm Minh Chính kơ bruă mă mơ̆ng khul, biă ñu bruă mă pioh kơtưn tơlơi bơkơtuai mơnuih ƀôn sang, mơ̆ng anun djru gum hơgôp amăng kơtưn rô nao rai dua bơnah.

Ƀing gơyut gơyâo Romani pơdah pran jua hăng Khua dêh čar ta Phạm Minh Chính lăp djă pioh kơ tơlơi pơđĭ kyar kơtang mơ̆ng Việt Nam amăng hơdôm bruă mă hơdôm hrơi rơgao; ba tơbiă sa dua jơlan gah gum hrŏm pơ̆ anăp anai, amăng anun hmâo wot kơsem min, hơduah ĕp tơhnal ngă ƀong kơplah wah dua bôh dêh čar. Tơgŭ gum pơhiăp amăng mông bưp, Khua dêh čar ta Phạm Minh Chính rơkâo ƀing gơyut Romani pơsur dong mơnuih ƀôn sang dŏng yua Việt Nam, kơtưn gum hrŏm, ngă ƀong hăng Việt Nam. Khua dêh čar ta đăo gơnang, pơ̆ anăp anai, tơlơi rô nao rai dua bôh dêh čar amra jai hrơi jai kơjăp, ba glăi bôh tơhnal hloh./.