Amăng mông bưp mơnuih pơ ala mơnuih ƀôn sang, pô pơ ala kơ Grŭp Khua pơ ala mơnuih ƀôn sang dêh čar ta ƀôn prong Cần Thơ lăi pơthâo bôh tơhnal Tal jơnum lok 6, Khua pơ ala mơnuih ƀôn sang dêh čar ta tal 15. Hrŏm hăng anun, mơnuih ƀôn sang ƀôn prong Cần Thơ pơsit yôm hơdôm bôh tơhnal mơ̆ Khua pơ ala mơnuih ƀôn sang dưi ngă amăng tal jơnum phrâo rơgao, hrŏm hăng anun ăt pơsit yôm mơn tơlơi git gai khop mơ̆ng Gong gai, Khua dêh čar amăng git gai bơwih ƀong prong, wai lăng nua gơnam đĭ, pơtrut pơđĭ kyar bơwih ƀong.

Hrŏm hăng anun, mơnuih pơ ala mơnuih ƀôn sang khul đăo khôp ăt rơkâo mơn Gong gai, hơdôm ding jum gơnong bruă dêh čar ta tuh pơplai pơdŏng anom mă yua pioh ană bă neh wa djuai đăo khôp hmâo tơlơi gal pơđĭ kyar bơwih ƀong klă hloh, črâo ba khop bruă pơplih phun pla hlô rông kiăng mơnuih ngă đang hmua hmâo kơmlai amăng bruă ngă đang hmua; hmâo hơdră bruă pơdŏng anih dưm pơdai kơ mơnuih ƀôn sang lơm yuă prah, hơdư̆ ƀiă ƀing hyu blơi pơdai juă nua, truh kơ pơdai hmâo nua sĭ kơ anom bơwih ƀong sĭ mơdrô./.