Amăng tal nao čuă anai, Khua dêh čar ta Phạm Minh Chính amra hmâo hơdôm bruă bơkơtuai, rôk ruai hăng khua mua gưl dlông Hungary; čuă sa dua anih anom bơwih ƀong - mơnuih mơnam mơ̆ng Hungary; pơhmư̆ hơdôm bruă bơkơtuai tơlơi bơwih ƀong Việt Nam – Hungary; pơbưp khua mua sa dua khul giăng mah hăng bưp mơnuih apăn bruă, mơnuih mă bruă ƀơi ƀirô anih jưh pơ ala hăng khua pơ ala kơ mơnuih dêh čar Việt Nam ƀơi Hungary.

Tal nao čuă Hungary mơ̆ng Khua dêh čar amra gum hơgôp pơđĭ tui hloh dong pran đăo gơnang bruă kơđi čar, kơtưn hăng ngă pơsôh đĭ tơlơi rô nao rai giăng mah mơ̆ng hlâo, djru klă tơdruă kơplah wah Việt Nam hăng Hungary; pơtrut hăng ba hơdôm bruă gum hrŏm mơ̆ng hlâo hơdai nao sa rơwang phrâo, djơ̆ tui tơlơi rơkâo pơđĭ kyar mơ̆ng rim bôh dêh čar; pơtrut gum hrŏm amăng lu bruă gal; dưi ngă; hruă kơjăp hloh dong pran jua giăng mah kơplah wah mơnuih ƀôn sang Việt Nam hăng mơnuih ƀôh sang Hungary./.