Hơdôm hrơi rơgao, khul tơhan polih wai lăng bruă rô nao rai hmâo ngă klă laih bruă pơphô brơi pơdŏng, ngă giong bruă čih tơlơi phiăn; hơdôm tơlơi črâo ba yôm phăn kơ bruă pơhlôm hơđong ƀơi jơlan nao rai mơ̆ng Grŭp git gai ping gah, Gong gai dêh čar, Khua dêh čar. Ngă tui bruă pơhlôm hơđong ƀơi jơlan nao rai, ba hơdôm grŭp khua git gai Ping gah, Kơnuk kơna, hơdôm grŭp tuai amăng lŏn ia, mơ̆ng dêh čar tač rơngiao rai čuă hăng mă bruă ƀơi dêh čar Việt Nam, pơhlôm kơjăp, hluh gah. Gum hrŏm klă pơgang pơgăn ayuh hyiăng ƀu klă, ia ling dăo kơthel, hyu ĕp mơnuih hmâo tơlơi truh.

Pơhiăp ƀơi anai, Khua dêh čar Phạm Minh Chính rơkâo, Khul tơhan polih wai lăng bruă nao rai ƀơi jơlan glông ngă klă bruă pơhlôm ƀơi jơlan nao rai. Pơplih phrâo dong jơlan hơdră hyu tir, wai lăng, pơsir tơlơi ngă soh ƀơi jơlan nao rai; kơtưn mă yua bôh thâo phrâo măi mok kiăng thâo, pơsir tơlơi ngă soh, pơhlôm rơđah, tơpă sit. Amăng tal Tết tui phiăn juăt Giáp Thìn, pơphun klă hyu tir, wai lăng, pơsir tơpă tơlơi ngă soh; Ƀu pioh hmâo tơlơi ngă gun jơlan nao rai, hmao pơtlaih hơdôm tơlơi truh, pơjrom nao rai, yua kơ tơlơi yâo mơ-ak hăng rơnuk rơnua mơ̆ng Mơnuih ƀôn sang./.