Hơdôm hrơi rơgao hăng thun 2023, Ping gah, Khua git gai Anom bruă II hmâo git gai, črâo ba ngă giong klă hăng prong bruă jao tơlơi pơhing, pơphô brơi bruă mă hăng ngă tui bruă hyu krâ̆o sŭ; hmao tlôn pơphô brơi khua git gai Ping gah, Kơnuk kơna, Ping gah Khul ling tơhan, Ding jum khul ling tơhan dêh čar ta ba tơbiă hơdôm hơdră pơsit djơ̆, ƀu pioh hmâo kah mơ̆ng pơgang, truh kah mơ̆ng pơsir, dưi hmâo khua mua gưl dlông hăng hơdôm jơnum min, ding jum, gơnong bruă, tơring čar, ƀôn prong djă pioh, pơsit yôm.

Pơhiăp hăng mơnuih apăn bruă phun mơ̆ng Anom, Khua dêh čar ta Phạm Minh Chính djă pioh, bơni tơlơi gir run hăng hơdôm bruă dưi ngă, bôh than mơ̆ Anom bruă II dưi ngă amăng hơdôm hrơi rơgao, lăi lĕ thun 2024 hăng pơ̆ anăp, tơlơi ƀơi rŏng lŏn tơnah hăng amăng kual pơkă lăng hlâo amra glêh tơnap dong, tơnap him lăng, rơkâo Anom bruă krâ̆o sŭ Ding jum khul ling tơhan khom prăp lui prong hloh, klă hloh, amra tŭ mă hăng ngă giong prong djop bruă jao mơ̆ng Ping gah, Kơnuk kơna. Khua dêh čar ta rơkâo Anom bruă khom djă pioh tơpă hơdôm hơdră pơkă bruă mă, lăi pơhing, pơhlôm rơnuk rơnua hơđong; pơhlôm klă tơlơi hơdip mơda gơnam tam, pran jua kơ ling tơhan tal Tết tui phiăn juăt Giáp Thìn 2024./.