Khua dêh čar ta Phạm Minh Chính čuă, hơ-ưč hmưi Tết, pơsur khul tơhan dŏ gak mă bruă jao tal Tết tui phiăn juăt ƀơi Cần Thơ
Thứ hai, 10:13, 05/02/2024
VOV/Siu H' Prăk pơblang
VOV/Siu H' Prăk pơblang
VOV4.Jarai – Čơtlăm tom brơi (4/2), Khua dêh čar ta Phạm Minh Chính hmâo nao čuă, hơ-ưč hmưi Tết, brơi gơnam tam pơsur pran jua hơdôm khul tơhan dŏ gak mă bruă jao tal Tết tui phiăn juăt ƀơi ƀôn prong Cần Thơ.
Čuă, hơ-ưč hmưi Tết mơnuih mă bruă ƀơi Sang bruă wai lăng plơi prong ƀôn prong Cần Thơ, čang rơmang mơnuih apăn bruă, mơnuih mă bruă, Sang bruă ngă tui dong pran jua khăp kơ lŏn ia, pran jua gơgrong, bơkơtưn mă bruă, pơjing tơhnal phrâo, pran pơtrut phrâo, bôh than dưi ngă phrâo amăng thun 2024 hăng pơ̆ anăp anai; djru hrŏm pioh ƀôn prong Cần Thơ bơngač na nao, mơtah, agaih, hơdjă, pơhlôm.
Khua dêh čar rơkâo gưl Ping gah, gong gai ƀôn prong Cần Thơ hăng Sang bruă wai lăng plơi prong ƀôn prong Cần Thơ kơsem min pơđĭ tui tơlơi hơdip gơnam tam, pran jua mơ̆ng mơnuih mă bruă amăng sang bruă, biă ñu lĕ hơdôm bôh sang anô̆ hmâo tơlơi hơdip mơda tơnap tap, sang anô̆ hmâo djru ngă hơkrŭ đưm./.
Viết bình luận