Tơdơi kơ hmư̆ hơdôm tơlơi gum pơhiăp lăi pơthâo mơ̆ng khua git gai hơdôm ding jum, gơnong bruă, tơring čar, ƀôn prong, Khua dêh čar ta Phạm Minh Chính čih djă pioh, bơni, pơsit yôm hơdôm tơlơi gir run hăng bôh tơhnal dưi ngă mơ̆ng hơdôm ding jum, gơnong bruă, tơring čar, ƀôn prong; tơlơi črâo ba khut khăt mơ̆ng ding kơna Grŭp črâo ba pơplih bruă čar hră pơ-ar hơdôm hrơi rơgao; hmâo lu tơlơi gum pơhiăp klă, yôm phăn amăng truh kih hrŏm mơ̆ng đơ đam dêh čar.

Khua dêh čar ta rơkâo, hơdôm ding jum, gơnong bruă, tơring čar, ƀôn prong pel ĕp dong, pơplih phrâo jơlan gah, hơdră ngă hăng ngă tui bruă mă, bruă gơgrong mơ̆ng pô ba akô̆ pioh pơphun ngă tui ba glăi bôh tơhnal bruă jao pơplih pơkra hră pơ-ar. Khua git gai ding jum, gơnong bruă, tơring čar, ƀôn prong kơtưn bơkơtuai kiăng thâo bôh nik hăng črâo ba pơsir pơtlaih tơlơi tơnap, tơlơi gun kơ mơnuih ƀôn sang, anom bơwih ƀong; tañ ngă giong, lăi pơthâo kơ ƀirô hmâo tơlơi dưi mă yua hră pơ-ar pơkă rơđah tơlơi phiăn, phiăn pơtrun, tơlơi pơtrun pơsit hmâo mă yua djơ̆ tui tơlơi phiăn./.