Tui tơlơi lăi pơthâo glăi, thun 2023, Grŭp apui lơtrik Việt Nam  hmâo gir run ngă giong hơdôm tơhnal pơkă bruă jao ba tơbiă amăng anun bruă pơkra hăng pơkĕ hyu apui phun ñu djop brơi apui pioh bơwih ƀong huă, amăng anun hmâo tơlơi truh kơƀah apui amăng rơnuč blan 5, akô̆ blan 6 hăng khom ngă tui bruă hrŏ trun pơđoh apui nao kual Kơdư. Apui lơptrik pơkra abih bang hmâo rơbêh kơ 280 klai kWh, đĭ rơbêh kơ 4,5% bơhmu hăng thun 2024.

Pơ ala kơ Gong gai dêh čar, Khua dêh čar ta Phạm Minh Chính bơni, čih djă pioh tơlơi gir run, bôh tơhnal mơ̆ Grŭp apui lơtrik Việt Nam dưi ngă djru yôm phăn laih amăng bôh tơhnal hrŏm kah hăng pơhlôm abih bang mơ̆ng đơ đam dêh čar amăng thun 2023. Khua dêh čar rơkâo EVN hrưn đĭ ngă giong hơdôm tơhnal pơkă bruă jao thun 2024, pơhlôm djop apui lơtrik kơ pơđĭ kyar bơwih ƀong mơnuih mơnam mơ̆ng lŏn ia. Tơhnal pơkă prong hloh lĕ khut khăt ƀu pioh kơƀah apui lơtrik kơ bruă bơwih ƀong huă sĭ mơdrô hăng mă yua amăng hơdôm tơlơi kiăng hơpă; tơhnal pơkă prong tal 2 lĕ khom mă yua nua tui tơlơi kiăng ngă, samơ̆ hmâo hơdră bruă pioh kơ mơnuih pioh ngă hơđong tơlơi hơdip mơda mơnuih mơnam./.