Khua dêh čar nao pơhmư̆ Jơnum WEF Davos tal anai hmâo lu bôh tŭ yua yôm amăng lu bruă. Bruă mă ƀơi anai, pơkă hlâo Khua dêh čar amra nao pơhmư̆ hăng pơhiăp amăng mông bơkơtuai yôm phăn, amăng anun hmâo sa dua mông pha ra pioh kơ Việt Nam, git gai lu mông bơkơtuai hăng khua mua hơdôm grŭp bơwih ƀong ba jơlan hlâo, bưp dua bơnah hăng khua mua hơdôm bôh dêh čar, hơdôm khul grŭp jar kơmar hăng anom bơwih ƀong.

Anai ăt lĕ tal pioh Việt Nam kơtưn bơkơtuai, pơtrut gum hrŏm hăng Thụy Sĩ hăng hơdôm bơnah gum hrŏm, hơdôm khul grŭp jar kơmar, ngă dơlăm hloh dong tơlơi rô nao rai amăng lu bruă, biă ñu bơwih ƀong huă – sĭ mơdrô – tuh pơplai, pok pơhai ba glăi bôh tơhnal dong jơlan gah pơtom hiăp mơ̆ng Jơnum Ping gah đơ đam dêh čar tal 13. Khua dêh čar ta Phạm Minh Chính amra hmâo hơdôm bruă bơkơtuai, ră ruai, pơbưp, mă bruă hăng ƀing khua mua gưl dlông mơ̆ng Hungary hăng Romani./.